Հեռախոսազրույց են ունեցել Թուրքիայի արտաքին գործերի նախարար Հաքան Ֆիդանն ու ԱՄՆ պետքարտուղար Մարկո Ռուբիոն և քննարկել Ուկրաինայում խաղաղության հասնելու ջանքերը, հայտնում է ԱՄՆ պետքարտուղարությունը:
Ըստ հաղորդագրության՝ նրանք նաև քննարկել են Սիրիայի թեման։
Երկուշաբթի օրը՝ հունիսի 2-ին Ստամբուլում տեղի են ունեցել ռուս-ուկրաինական բանակցություններ։
Ռուսաստանը փաստացի հրաժարվել է ընդունել առանց նախապայմանների հրադադար հաստատելու Ուկրաինայի առաջարկը: Փոխարենը առաջարկել է ռազմաճակատի մի քանի հատվածներում կրակը դադարեցնել 2-3 օրով՝ զոհվածների մարմինները դուրս բերելու համար:
Ուկրաինայի նախագահը ռուսական պատվիրակությանն «ապուշ» է անվանել, ապա ԱՄՆ-ին կոչ արել նոր պատժամիջոցներ սահմանել, որպեսզի Ռուսաստանին ստիպի համաձայնել հրադադարին: