Ազգային ժողովի խոսնակ Ալեն Սիմոնյանն այսօր «Տելեգրամ»-ի իր ալիքում 2026 թվականի խորհրդարանական ընտրությունների օրն է ազդարարել:
«Այսօր հունիսի 7-ն է։ Հայաստանի Հանրապետության Ազգային Ժողովի հաջորդ ընտրություններին մնաց ուղիղ մեկ տարի։ Այն կկայանա 2026 թվականի հունիսի 7-ին։ Հետհաշվարկը սկսված է...», - գրել է խորհրդարանի խոսնակը, ով ավելի վաղ ասել էր, թե «Քաղաքացիական պայմանագիրը» միայնակ կմասնակցի 2026-ի ընտրություններին:
Կենտրոնական ընտրական հանձնաժողովի կայքում առայժմ որևէ տեղեկություն չկա 2026 թվականի համապետական ընտրությունների վերաբերյալ: Նախորդ համապետական ընտրությունները Հայաստանում անցկացվել են 2021 թվականի հունիսի 20-ին: Դրանց արդյունքում խորհրդարան անցան վարչապետ Նիկոլ Փաշինյանի առաջնորդած «Քաղաքացիական պայմանագիրը», երկրորդ նախագահ Ռոբերտ Քոչարյանի «Հայաստան» և երրորդ նախագահ Սերժ Սարգսյանի «Պատիվ ունեմ» դաշինքները:
